English
اليوم هنتكلم عن الفتق الأربي عند الأطفال
الإسم العلمى ليه هو: Congenital Inguinal Hernia
بس يعني اية طفل عنده فتق أربي ؟
- الفتق الأربي الخلقي هو عبارة عن تورم أسفل البطن في المنطقة الأربية للولاد أو البنات عند البكاء او الوقوف ويختفي اثناء هدوءه او نومه او الضعط عليه.
طب ممكن نستني وما نعملش الفتق دلوقتي يا دكتور ؟
- الفتق الاربي يحتاج الي جراحة في أقرب وقت لتجنب حدوث مضاعفات مثل إختناق الفتق والإنسداد المعوي وغرغرينا بمحتويات الفتق مثل الأمعاء أو المبيض عند الإناث.
الفتق بيحصل بنسبة كام ؟
- الفتق الاربي الخلقي بيحدث بنسبة 1-3 % من الأطفال
- و بيزيد بنسبة 3-5 % في الأطفال غير مكتملة النمو
- الاولاد أكثر من الإناث بنسبة 1:6
- يحدث علي الناحية اليمني بنسبة 60%
- وعلي الناحية اليسري بنسبة 30%
- وعلي الناحيتين بنسبة 10%
معلومات مهمة يجب معرفتها عن عملية الفتق الاربى:
- عملية إصلاح الفتق الأربي عملية بسيطة جدا والطفل بيخرج في نفس اليوم.
- طبعا الفتق بيحتاج تدخل جراحي قبل حدوث اي مضاعفات ويكون الطفل بحالة جيدة
لكن امتي يكون الفتق حالة طارئة ولا تستدعي الإنتظار ؟؟؟
- لو ابنك عنده الاعراض دى يبقي حصل مضاعفات في الفتق الاربى و لازم تدخل جراحى حالا
- لو الفتق اتحجر و يوجد صعوبة في ارجاع الفتق
- لو فى قئْ مستمر او ألم فى الفتق
- لو اتحشرت الأمعاء خارج البطن ومرجعتش زى الأول